Eruzions e sismicitât

Une stazion sismiche e regjistre cun continuitât (in colaborazion cun R. Ortiz, CSIC Madrid - Spagne) la ativitât sismiche di Stromboli. Cheste pagjine us presente, dì par dì, la ativitât cussì regjistrade. I grafics a vegnin gjenerâts in automatic tal moment che i dâts sismics a rivin a Udin. No podin duncje garantî la continuitât, la sveltece de publicazion dal dât, e nancje la sô coretece e no ven dade nissune interpretazion, par esempli, pal riscli. Par duç chests aspiets us mandin ai comunicâts de Protezion Civîl e dal INGV, che al publiche cuasit ogni dì un rapuart su la ativitât. I grafics a son presentâts cu lis oris GMT, tal formât PNG. Se il vuestri browser nol supuarte chest formât, a son une vore di programs di utilitât par podê viodiju.

La stazion sismiche e je cumò instalade te localitât San Bartolo (grazie a Sergio Ballarò). Naturâl che lì i dâts a son une vore plui contaminâts dal rumôr, sei che al ven dal mâr, sei prodot dal omp. Us presentin di conseguence dome i dâts regjistratis vie pe gnot, e us racomandin di cjapâ i dâts cun prudence. O sperin che di ogni mût us servissin par vê a mancul une idee de ativitât sismiche di Stromboli.

Cetancj events resints che podeis lâ a cirî tai grafics:

• 05/05/2004 13:39 GMT - Taramot (M 5.3) cun epicentri tal mâr dongje lis Isulis Eoliis (38.62 N, 14.77 E)
• 16/05/2004 20:44 GMT - Taramot (M 2.8) cun epicentri tal mâr dongje lis Isulis Eoliis (38.52 N, 14.80 E)

Zenâr 2004 (Localitât S. Bartolo)
01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31